ശാലീനവും പ്രകൃതി സൗന്ദര്യം നിറഞ്ഞതുമായ ഒരു ഗ്രാമപ്രദേശമാണ് പുറവൂർ. ഈ ഗ്രാമത്തിന്റെ ആത്മീയ അഭിമാനമായി തലയുയർത്തി നിലകൊള്ളുന്ന മഹാക്ഷേത്രമാണ് ശ്രീ ലക്ഷ്മീ നരസിംഹ സ്വാമി ക്ഷേത്രം.

കണ്ണൂർ–മൈസൂർ റോഡിലൂടെ കണ്ണൂരിൽ നിന്ന് ഏകദേശം 13 കിലോമീറ്റർ ദൂരത്തിൽ കുടുക്കിമെട്ട എന്ന സ്ഥലത്തെത്താം. അവിടെ നിന്ന് വടക്കോട്ട് പോകുന്ന മയ്യിൽ റോഡിലൂടെ ഏകദേശം 1 കിലോമീറ്റർ സഞ്ചരിച്ചാൽ പുറവൂർ ഗ്രാമത്തിലെ ഈ ക്ഷേത്രം റോഡിന്റെ പടിഞ്ഞാറ് ഭാഗത്ത് കാണാം.

പ്രകൃതിയുടെ സാന്നിധ്യത്തോടൊപ്പം ഭക്തിപാരവശ്യം നിറഞ്ഞ ഈ ക്ഷേത്രം അനേകം ഭക്തജനങ്ങളുടെ ആത്മീയ ആശ്രയ കേന്ദ്രമാണ്.

ക്ഷേത്രത്തിന്റെ ചരിത്രസത്യങ്ങൾ കണ്ടെത്താൻ ഭക്തജനങ്ങൾ ചേർന്ന് 1984 ഒക്ടോബർ 6-ാം തീയതി സ്വർണ്ണ പ്രശ്നം (ദേവപ്രശ്നം) നടത്തി.

പ്രശ്നചിന്ത നടത്തിയവർ:

• തളിപ്പറമ്പ് കരുണാകരൻ ജ്യോത്സ്യർ

• പാടിയില്ലത്ത് കേശവൻ നമ്പൂതിരി

ഈ ദേവപ്രശ്നത്തിലൂടെ ഏകദേശം 500 വർഷങ്ങൾക്ക് മുമ്പ് ഈ ക്ഷേത്രം നിലനിന്നിരുന്നു എന്ന് വ്യക്തമായി.

അതിനുശേഷം ഭക്തജനങ്ങളും യുവാക്കളും ചേർന്ന് മോലോത്തുംകാട്ടിലെ മുൾപടർപ്പുകൾ നീക്കം ചെയ്ത് സന്ധ്യാനാമസങ്കീർത്തനം ആരംഭിച്ചു.

ക്ഷേത്രത്തിന്റെ പുനർനിർമ്മാണം കാണിപ്പയ്യൂർ കൃഷ്ണൻ നമ്പൂതിരിപ്പാടിന്റെ പ്ലാൻ അനുസരിച്ച് ആരംഭിച്ചു.

നിർമാണ മേൽനോട്ടം വഹിച്ചു:

ശ്രീ പി. ചന്തുമണിയാണി (ക്ഷേത്ര ശില്പി)

1985 മാർച്ച് 18-ന്
ശ്രീ കുറുമാത്തൂർ നാരായണൻ നമ്പൂതിരിപ്പാട് മുഹൂർത്തക്കല്ലിട്ടു.

ഭക്തജനങ്ങളുടെ സഹകരണത്തോടെ ക്ഷേത്ര നിർമ്മാണ പ്രവർത്തനം മുന്നേറി.